2016 جىلعى 29 ماۋسىم №185 استانا قالاسى
«سپورتشىلارعا, جاتتىقتىرۋشىلارعا, دەنە شىنىقتىرۋ جانە سپورت سالاسىنداعى ماماندارعا جانە دەنە شىنىقتىرۋ – سپورتتىق ۇيىمدارعا «ۇزدىك» نوميناتسياسىنداعى اتاقتاردى بەرۋ قاعيداسىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 ماۋسىمداعى №297 بۇيرىعىنا وزگەرىستەر ەنگىزۋ تۋرالى
«دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 45) تارماقشاسىنا سايكەس بۇيىرامىن:
1. «سپورتشىلارعا, جاتتىقتىرۋشىلارعا, دەنە شىنىقتىرۋ جانە سپورت سالاسىنداعى ماماندارعا جانە دەنە شىنىقتىرۋ-سپورتتىق ۇيىمدارعا «ۇزدىك» نوميناتسياسىنداعى اتاقتاردى بەرۋ قاعيداسىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 28 ماۋسىمداعى №297 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9680 بولىپ تىركەلگەن, 2014 جىلعى 15 قىركۇيەكتە «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر ەنگىزىلسىن:
وسى بۇيرىقتىڭ تاقىرىبى مىناداي رەداكتسيادا جازىلسىن:
«سپورتشىلارعا, جاتتىقتىرۋشىلارعا, دەنە شىنىقتىرۋ جانە سپورت سالاسىنداعى ماماندارعا جانە دەنە شىنىقتىرۋ-سپورتتىق ۇيىمدارعا «ۇزدىك» نوميناتسياسىنداعى اتاقتاردى بەرۋ قاعيدالارىن بەكىتۋ تۋرالى»;
وسى بۇيرىقپەن بەكىتىلگەن سپورتشىلارعا, جاتتىقتىرۋشىلارعا, دەنە شىنىقتىرۋ جانە سپورت سالاسىنداعى ماماندارعا جانە دەنە شىنىقتىرۋ-سپورتتىق ۇيىمدارعا «ۇزدىك» نوميناتسياسىنداعى اتاقتاردى بەرۋ قاعيدالارىندا:
2-تارماق مىناداي رەداكتسيادا جازىلسىن:
«2. «ۇزدىك» نوميناتسياسىنداعى اتاقتار دەنە شىنىقتىرۋ جانە سپورت سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) وتكىزەتىن «ۇزدىك» نوميناتسياسىنداعى اتاقتار بەرۋ بويىنشا رەسپۋبليكالىق كونكۋرستىڭ (بۇدان ءارى - كونكۋرس) جەڭىمپازدارىنا بەرىلەدى.»;
5, 6-تارماقتار مىناداي رەداكتسيادا جازىلسىن:
«5. كونكۋرستى دايىنداۋ جانە وتكىزۋ بويىنشا ۇيىمداستىرۋ جۇمىستارىن دايىنداۋ جانە ۇيلەستىرۋ ءۇشىن ۇيىمداستىرۋ كوميتەتى (بۇدان ءارى - ۇيىمداستىرۋ كوميتەتى) قۇرىلادى. ۇيىمداستىرۋ كوميتەتىنىڭ قۇرامى دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ بۇيرىعىمەن بەكىتىلەدى.
ۇيىمداستىرۋ كوميتەتى:
1) كونكۋرستى ۇيىمداستىرۋدى جانە وتكىزۋدى, ونىڭ ىشىندە قورىتىندىلاۋدى جانە كونكۋرس جەڭىمپازدارىن سالتاناتتى ماراپاتتاۋدى ۇيىمداستىرۋدى قامتاماسىز ەتەدى;
2) نوميناتسيالارعا سايكەس ۇمىتكەرلەردى ىرىكتەۋ بويىنشا كونكۋرستىق كوميسسيانىڭ (بۇدان ءارى − كوميسسيا) جۇمىسىن ۇيىمداستىرادى.
6. «ۇزدىك» نوميناتسيا اتاعىنا ۇمىتكەر (بۇدان ءارى - ۇمىتكەر) سپورتشىلار, جاتتىقتىرۋشىلار, دەنە شىنىقتىرۋ جانە سپورت سالاسىنداعى ماماندار جانە دەنە شىنىقتىرۋ-سپورتتىق ۇيىمدار (بۇدان ءارى - دشسۇ) قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنە (بۇدان ءارى − كوميتەت) مىناداي قۇجاتتاردى ۇسىنادى:
1) وسى قاعيدالاردىڭ 11-تارماعىنىڭ 1), 2) جانە 10) تارماقشالارىندا كورسەتىلگەن نوميناتسيالار ءۇشىن:
ۇمىتكەردىڭ ءوتىنىشى;
ۇمىتكەرگە اتاق بەرۋ ۇسىنىسىن نەگىزدەي وتىرىپ, قازاقستان رەسپۋبليكاسىنىڭ سپورت ءتۇرى (تۇرلەرى) بويىنشا سپورت فەدەراتسياسىنىڭ (بولعان جاعدايدا) ۇسىنىسى, قازاقستان رەسپۋبليكاسىنىڭ سپورت ءتۇرى (تۇرلەرى) بويىنشا سپورت فەدەراتسياسى بولماعان جاعدايدا دەنە شىنىقتىرۋ جانە سپورت سالاسىنداعى وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگانى (بۇدان ءارى - جاو) ءتيىستى بولىمشەلەرىنىڭ ۇسىنىسى;
اتاق بەرۋگە ۇمىتكەردىڭ جەكە باسىن كۋالاندىراتىن قۇجاتتىڭ كوشىرمەسى;
اتاق بەرۋگە ۇمىتكەردىڭ ءومىربايانى;
2) وسى قاعيدالاردىڭ 11-تارماعىنىڭ 3), 4) تارماقشالارىندا كورسەتىلگەن نوميناتسيالار ءۇشىن:
كونكۋرسقا قاتىسۋ ءۇشىن دشسۇ ءوتىنىشى;
دشسۇ ەسەپتىك جىلعى سپورتتىق جەتىستىكتەرى (دەنە شىنىقتىرۋ جانە سپورت سالاسىندا ساپالى جانە ساندىق جەتىستىكتەرى (كورسەتكىشتەرى) تۋرالى ەسەبى;
3) وسى قاعيدالاردىڭ 11-تارماعىنىڭ 6) جانە 8) تارماقشالارىندا كورسەتىلگەن نوميناتسيالار ءۇشىن:
وسى قاعيدالاردىڭ 17-تارماعىندا كورسەتىلگەن كورسەتكىشتەردى ەسەپكە الا وتىرىپ, جاو-نىڭ ۇسىنىسى;
4) وسى قاعيدالاردىڭ 11-تارماعىنىڭ 7) جانە 9) تارماقشالارىندا كورسەتىلگەن نوميناتسيالار ءۇشىن:
كونكۋرسقا قاتىسۋ ءۇشىن ءوتىنىش;
ۇمىتكەردى اتاق بەرۋگە ۇسىنۋ تۋرالى جاو وتىرىسىنىڭ حاتتاماسىنان ءۇزىندى;
اتاق بەرۋگە ۇمىتكەردىڭ ءومىربايانى.»;
7-تارماق مىناداي رەداكتسيادا جازىلسىن:
«7. كونكۋرستى كوميتەت «ۇزدىك» نوميناتسياسىنداعى اتاققا ۇمىتكەر ەمەس كوميتەت قىزمەتكەرلەرى, جەتەكشى سپورتشىلار, جاتتىقتىرۋشىلار, بۇقارالىق اقپارات قۇرالدارى مەن قوعامدىق ۇيىمداردىڭ وكىلدەرى قاتارىنان قۇرىلعان كوميسسيا وتكىزەدى. كوميسسيا داۋىس بەرۋ قۇقىعى بار مۇشەلەردەن تۇرادى. كوميسسيا ءتوراعاسى كوميسسيا مۇشەلەرى قاتارىنان تاعايىندالادى.
كوميسسيا شەشىمى كوپشىلىك داۋىسپەن قابىلدانادى. كوميسسيا مۇشەلەرىنىڭ داۋىستارى تەڭ بولعان جاعدايدا توراعالىق ەتۋشىنىڭ داۋىسى شەشۋشى بولىپ تابىلادى.
وسى قاعيدالاردىڭ 5-تارماعىنا سايكەس ۇسىنىلعان قۇجاتتاردى قارايدى جانە كونكۋرستىڭ جەڭىمپازى تۋرالى شەشىم قابىلدايدى.»;
9-تارماق مىناداي رەداكتسيادا جازىلسىن:
«9. كوميسسيا شەشىمى كوميسسيانىڭ بارلىق مۇشەلەرىنىڭ قولى قويىلاتىن حاتتامامەن رەسىمدەلەدى. حاتتاما كوميسسيا شەشىمى قابىلدانعان كۇنىنەن باستاپ 3 ء(ۇش) كۇن ىشىندە رەسىمدەلەدى.»;
11-تارماقتا:
5) تارماقشاسى الىپ تاستالسىن;
6) تارماقشا مىناداي رەداكتسيادا جازىلسىن:
«6) «ۇزدىك سپورتتىق ءوڭىر» (وبلىستاردىڭ, رەسپۋبليكالىق ماڭىزى بار قالالار, استانانىڭ دەنە شىنىقتىرۋ جانە سپورت باسقارمالارى);»;
14 جانە 15-تارماقتار مىناداي رەداكتسيادا جازىلسىن:
«14. «جىلدىڭ ۇزدىك سپورت فەدەراتسياسى» نوميناتسياسىنداعى اتاق حالىقارالىق كەشەندى جانە رەسمي سپورتتىق ءىس-شارالار ناتيجەلەرىنىڭ قورىتىندىلارى, سونداي-اق, وسى سپورت ءتۇرىن دامىتۋعا قوسقان ۇلەسى بويىنشا سپورتتىق فەدەراتسياعا بەرىلەدى.
15. «جىلدىڭ ۇزدىك سپورت ۇيىمى» نوميناتسياسىنداعى اتاق ءوز تاربيلەنۋشىلەرى مەن سپورتشىلارىنىڭ سپورتتىق جەتىستىكتەرى ناتيجەلەرىنىڭ قورىتىندىلارى بويىنشا سپورتتىق وڭ ناتيجەلەرى بار دەنە شىنىقتىرۋ-سپورتتىق ۇيىمىنا بەرىلەدى.
16- تارماق الىپ تاستالسىن:
17- تارماق مىناداي رەداكتسيادا جازىلسىن.
17. «ۇزدىك سپورتتىق ءوڭىر», «ۇزدىك اۋداندىق دەنە شىنىقتىرۋ جانە سپورت ءبولىمى» نوميناتسياسىنداعى اتاقتار رەسپۋبليكالىق وڭىرلەر اراسىندا مىناداي:
1) سپورت ۇيىمدارى مەن عيماراتتارىنىڭ جەلىلەرىن ۇلعايتۋ (ونىڭ ىشىندە اۋىلدا);
2) دەنە شىنىقتىرۋمەن جانە سپورتپەن اينالىساتىن حالىق سانىن كوبەيتۋ;
3) رەسپۋبليكالىق جانە حالىقارالىق رەسمي جانە كەشەندى جارىستارداعى سپورتتىق كورسەتكىشتەر بويىنشا جوعارى جەتىستىكتەرى بار زاڭدى تۇلعالارعا بەرىلەدى.»;
19-تارماق مىناداي رەداكتسيادا جازىلسىن:
«19. «اۋىلداعى جىلدىڭ ۇزدىك جاتتىقتىرۋشىسى» نوميناتسياسىنداعى اتاق جاو-نىڭ ۇسىنىسى بويىنشا ءتيىستى اكىمشىلىك-اۋماقتىق بىرلىك اۋماعىندا دەنە شىنىقتىرۋ مەن سپورتتىڭ دامۋىنا ۇلەس قوسقان جاتتىقتىرۋشىعا بەرىلەدى.».
2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب.قاناعاتوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە تولنۇسقاسىنا تولىق سايكەس كەلەتىن ونىڭ گرافيكالىق فورماتتاعى كوشىرمەلەرىن «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى;
3) وسى بۇيرىق مەملەكەتتىك تىركەلگەن كۇنىنەن باستاپ كۇنتىزبەلىك ون كۇن ىشىندە وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرلانعان قاعاز جانە ەلەكتروندىق تۇردەگى وسى بۇيرىقتىڭ كوشىرمەلەرىن رەسمي جاريالاۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولدانۋىن, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە ەنگىزىلۋىن;
4) وسى بۇيرىق رەسمي جاريالانعاننان كەيىن كۇنتىزبەلىك ون كۇن ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى;
5) وسى تارماقپەن كوزدەلگەن ءىس-شارالار ورىندالعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى
مادەنيەت جانە سپورت ءمينيسترى
ا.مۇحامەدي ۇلى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 14045 بولىپ ەنگىزىلدى.